Presidenti i sapozgjedhur i Serbisë, Aleksandar Vuçiç ka evokuar ekonominë dhe sindikatat e vendeve të ish-Jugosllavisë dhe Shqipërisë, për shkak të ngritjes ekonomike të këtyre vendeve dhe forcimin e bashkëpunimit rajonal.
Në një intervistë për portalin amerikan “Politico”, Vuçiç tha se nëse të tjerët pajtohen me planin e tij, atëherë do të bëhet një treg prej 20 milionë njerëzish, gjë që është shumë e rëndësishme sepse ata mund të tërheqin shumë investitorë, shkruan gazeta Metro.
Kur u pyet nëse ai dëshiron të krijojë Jugosllavinë e re, Vuçiç ka thënë se ky projekt do të ishte në fakt një “ish-Jugosllavi plus Shqipërinë”.
“Kjo është një ide politike duke mos komprometuar sovranitetin e këtyre vendeve. Thjesht, do të rrisë ekonominë tonë. Ne kemi nevojë për një normë të rritjes prej 4-5% në vit e jo 3%. Kjo nuk është e mjaftueshme” tha Vuçiç ndër të tjera.
Vuçiç gjithashtu ka komentuar ish-presidentin e Jugosllavisë, Josip Broz Tito-n duke thënë: Ai ishte një diktator komunist, por një njeri shumë i zgjuar. Ai e dinte se si të lidhte njerëzit mes vete, kjo është një gjë që kemi nevojë.